BE.301 Logu no.153
LAS SITUTU ROHANGKU

Ayat 1
Las situtu rohangku Ro au manogot on
Mamuji Debatangku Sijaga ngolungkon
Ho di habangsaMi Tongtong naeng pujionku
Huhut pasangaponku Marhite AnakMi.

Ayat 2
Ai nasa parmaraan Sude na jorbut i
Dao sian au na borngin Binaen ni basaMi
Nuaeng asi rohaM Sai sesa ma dosangku
Sude pambaenanku Na sogo ni rohaM

Ayat 3
Ramoti au Tuhanku Muse sadari on
Na tau hamagoanku Padao ma i tongtong
Ingani rohangkon Pature ma langkangku
Tamparhon ma marangku Ramoti hosangkon.

Ayat 4
Tondingku, pamatangku Rap dohot rohangkon
Ro di sude donganku Na di portibi on
Sai sahat ma tu Ho Ramoti ma nasida
Ai na di au luhutna Na nilehonMu do.

Ayat 5
Paian suruanMu Tongtong di lambungkon
Ai ingkon ramotanMu Do tondingki tongtong
Dibaen pangonggop ni Sibolis di rohangku
Anggiat oloanku Mambahen dosa i.

Ayat 6
Marguru tu Tuhanku Ma au di sasude
Ditogu Debatangku Ma au tu na ture
Sai pasupasu ma Ulaonku ni tanganku
Sude sibahenonku O Tuhan Debata.

Ayat 7
Antong hudok ma amen Ndang ganggu rohangki
Tuhanku mangalehon Na hupangido i
Na lao ma au nuaeng Mangula ulaonku
Ibana do dosangku Na sonang au dibaen.
